محترم شیخ الوظائف صاحب السلام علیکم!ہم سب گھر والے آپ کے لئے دعائیں کرتے ہیں کہ اللہ آپ کو برکت والی لمبی زندگی عطا فرمائے‘آپ جس عظیم مقصد کو لے کر چل رہے ہیں اللہ تعالیٰ اس میں آپ کو کامیاب کرے‘اس راہ میں حائل تمام رکاوٹوں کو دور فرمائےا ور آپ کی نسلوں کو اس کا اجر عظیم عطا فرمائے ‘آمین!
تسبیح خانہ سے نسبت کے بعد اللہ تعالیٰ نے بہت نوازا ہے‘ہماری بہت سی پریشانیاں اور ایسی مشکلات تھیں جن کا حل نا ممکن نظر آتا تھا لیکن آپ کے بتائے ہوئے روحانی اعمال کرنے کی برکت سے اللہ تعالیٰ نے ان مسائل سے ایسے نکالا ہے کہ ہم خود حیران ہیں۔عبقری تسبیح خانہ کی خاص بات یہ ہے کہ یہاں سے جڑنے کے بعد جہاں انسان کی زندگی میں اعمال ‘تسبیح اور ذکر و اذکار شامل ہو جاتے ہیں وہیں انہی روحانی اعمال سےلڑائی‘جھگڑے‘آپس کی ناراضگیاں ختم‘ زندگی میں چین‘سکون اور خوشیاں نصیب ہوتی ہیں‘بندہ اپنے رب کے قریب ہو جاتا ہے۔
آپس کی غلط فہمیاں طول پکڑ گئیں
چند سال پہلے کی بات ہے میرے سسر صاحب کی وفات ہوئی تو اہلیہ کا اپنے بھائی کے ساتھ کسی بات پر جھگڑا ہوا اور ناراضگی ہو گئی۔اس کے بعد یہ مسئلہ طول پکڑگیا اور دونوں بہن بھائیوں میں کافی غلط فہمیاں پیدا ہو گئیں۔میری اہلیہ چاہتی تھیں کہ بھائی سے صلح ہو جائے اور جو آپس کے معاملات ہیں وہ بھی ٹھیک ہو جائیں۔ان دنوں تسبیح خانہ میں 625مرتبہ بسم اللہ والے نقش کا عمل ہونا تھا۔ہم میاں بیوی نے اسی نیت کے ساتھ 625مرتبہ بسم اللہ والا نقش لکھااور تسبیح خانہ میں مقررہ تاریخ پر دم کے لئے لے گئے۔روحانی محفل کے دوران شیخ الوظائف نے اس نقش پر دم کیا اور قبولیت کے لئے دعا کروائی۔ہم نے تعویذ کو عطر لگا کر اور لیمی نیشن کروا کرکمرے میں ایک دیوار پر لگا دیا۔یہ عمل کیے ابھی چند دن ہی گزرے تھے کہ اہلیہ کے بھائی خود ان سے ملنے کے لئے آگئے‘دونوں بہن بھائیوں کی آپس میں صلح ہو گئی‘آپس کی غلط فہمیاں اور شکوے شکایت سب ختم ہو گئے۔حتیٰ کے بھائی نے جائیداد میں بہن کا جو حصہ بنتا تھا رضا مندی اور خوش دلی کے ساتھ اس کے عوض رقم بھی دے دی۔یہ سب 625مرتبہ بسم اللہ نقش کی برکت سے ہوا۔یہ بہت طاقتور اور مقبول عمل ہے۔اللہ تعالیٰ آپ کو اس کا اجرعطا فرمائے ‘آمین۔
نوٹ:قارئین!اس سال 625 مرتبہ بسم اللہ والے نقش کا عمل23 تا 26 نومبر 2023 ہجویری محل سوا ارب درود پاک کےچلہ میں ہوگا‘ ان شاءاللہ۔